Kaca puniki kavalidasi
21. Sang Parta malih nguninga, wenten kari praputra Dwarawati, Sang Arya Badra punika, miwah Sang Yogandara, putune Arya Satyaki.
22. Maharaja Yudistira, mamitelas Sang Parta mangardinin, Sang Badra jumeneng ratu, ring tanah Indraprastane, pengabihe Sang Yogandara punika, laris jagat Indraprasta, kawastanin Dwarawati.
23. Parestrine ngewanawasa, maka sami maka enem belas tali, sang Parta malih kautus, antuk Sri Yudistira, menangkilang ring Begawan Brasinuhun, dewia Caksu resi Biyasa, mara ring patapan agelis.
24. Nunas tuduh mangden sida, kampasara antuk sangara kali, Sang Arjuna langkung nuhun, nuli raris mamargi, maring Biyasa sarma panujuning kayun, mamargi alon-alonan pantes matembang Ginanti.
175
