17a.
36. Pusung lukar sekare tan kari, pegelantes adoh, sami ngelih pada pawarnane, sisinome kasenggoang sami, sengkang pasuririt, tan wenten kaitung.
37. Ada nangis katah paguliling, tan nolih panganggo, gelang pending bungkung pajelentek, wastra kampuh, anyar-anyar sami, tan katolih, bucek dening ebuk.
38. Ada bingung tuara nawang kangin, kauh kaja kelod, pati usud reh rahat pedihe, saget engsut kadi arca manik, manyerere langit manatakin jagut.
39. Akeh lamun caritayang sami, sedih para wadon, wenten tua asiki rambute, sampun ngeplak sami-sami putih, gigi suba abis, pakane tutul.
40. Mareraosan pada pawestri, parekan wong jero, "Ne te I luh pada makejang gumi suba katekanan kali, yan nyadia maurip, sesakite liu.
41. Kesadiane nguni masih kari, nging makisid tongos, ring pangupet panyacad tongose, maka miwah ring ewer ring iri, ring demen misakit, ring demen magulgul.
17b.
42. Asing-asing nganggo dadi sidi, kranane keto, wireh dadi pangundang kalane, Sanghyang Kala gelis ngarauhin, sawireh ring kali, kalane manguub.
43. Kranane asing-asing, kateleb manganggo, silih tunggal mangundang kalane, makadine pangupet sakit, pasti kawastanin, tutuke masilur.
44. Nyutirupa mesib nyaih silit, lidahe kadi bol, wireh niru wawetone beten, sarwa-sarwa mengenyebang ati, mambu kesir-kesir, mulek ngarung-arung.
45. Asing desek kehan pati kelid, takut ken nyalahe, ngaliunan mundekang atine, sawireh bo telu dadi besik, tetanekan ibi, i puan i telun.
169
