16. Watek Yadu maruket len watek boja, andaka miwah Wresni, majengkang-jinengkang, palu-pinalu rebah, salih peluk salih banting, maoder-oderan, surung-sinurung sami.
17. Kadi gunung bongkar keni angin topan, macampuh ing ajurit, tan pangitung lawan, asing parek kasempal, kapalu katujah mati, sumangkin katah, mati matindih-tindih.
18. Sampun bingung sami kasusup sangara, ingamuk saka panggih, bapa miwah sanak, anak putu len kadang, kasempal asing kapanggih, Batara Kresna, saka langkung kasih-asih.
19. Wau nyingak layoning putra samian, medal toyaning aksi, tur malih kacingak, Sang Wabru duk ring marga, ngiring sakatah parestri, kasinangkala, Sang Lubdaka manggitik.
15b.
20. Sampun mati Sang Wabru keni mosala, sinuhun laris gelis, mamargi katilar, sakatah sang mayuda, arsa ngater para istri, ngungsi negara, jero kuta Dwarawati.
21. Laris marek brasinuhan Basudewa, maring sajroning puri, kapanggih sarengan, prameswari tetiga, Dewi Rohini Dewati, Badra Wahira, sinuhun Arimurti.
22. Matur nyembah tur larisang ngrangkul pada, matur yan sampun sami, telas karusakan, sakatah Yadu wangsa, katekan sapaning resi, nunas lilayang, kang anak nuun pamit.
23. Tan pakaryan wireh sami pada telas, sakatah Yadu Wresni, mangde kalugraha, kang anak ngewanawasa, mangungsi marganing mulih, ring Wisnu buana, sampun waneh iriki.
24. Parastrini kang anak sami-samian, sunan picayang sami, ring adi Arjuna, miwah sasesan telas, watek Yadu watek Wresni, nuli mamarga, sinuhun Arimurti
25. Prabu Basudewa kosekan duhkita, sakeh parestri nangis, pada sambat-sambat, bingung tatan panaya, tan kocap sang aneng puri, bebekan lara, tangise ngasih-asih.
167
