ribut aru-aro, Yadu wangsa samian, kapasukan Sang Aragni, masanggarwan, lumambak kadi pasih.
7. Sami bingung kadi polahing wong punyah, matempuh silihukih, moderan pagiat, pepatih pajulempang, katah rebah katah kanin, Batara Kresna, Sang Wabru Sang Daruki.
8. Sareng tiga ngaruruh Sri Baladewa, sampun panggih malinggih, ring wit kayu nyadah, ngae yoga derana, saking cangkem kanten mijil, marupa naga, warnane alus putih.
14b.
9. Tur kapendak antuking naga samian, naga taksaka malih, pun derika hreda, Kamuda lan Durmuka Prareti miwah makadi, Sanghyang Baruna, mapag Sanghyang Basuki.
10. Panyapane saha katur wasuh pada, nuli laris mamargi, turun ring segara, tur laris kapetala, sampun nyata lina kaaksi, Sri Baledewa susuunan Dwarawati.
11. Sakelangkung dukitane, prabu Krena, marawat toyan aksi, laris mangandika, "Eh cai Darukya, kema digati aturin, I adi Arjuna, mangdene teka gati".
12. Tur mamargi I Daruki gagelisan, ring Indra Prasta ngungsi, Marek Sang Pandawa, Sang Wabru kanikayang, mantuk ngater para istri, mangde katurang ring Brasinuhun lingsir.
13. Sang aparab maha raja Basudewa, mangda tan sareng keni, kasrambah sangara, kocap sang matempuh perang, kari rame silih ungsi, dadi senjata, pukpuk padang yen ambil.
14. Kadi nawa patempuhing Yadu kula, ngagem mosala sami, kadadining padang, mawit ampih-ampihan, kikiraning palu besi, Sang Wresni andaka, riwut pasilih ukih.
15a.
15. Saka seu mati len saka salaksa, dadi segera getih, magugungan sawa, asing keni mosala, kalambet katujah mati, kadi rasayang dedalu, nempuh geni.
166
