59. Dadiannya tulus rungka rungkir, reh ring karang pada kaentikang, sarwa tan hana gunane, sok ngrembun lumlum-lumlum, tan paguna panulung urip, masih kari ngucapang, koorngawas nyuluh, sane tan kaaman cacad, pinah tampek kala mertiune mangabin, masih durung karuan.
10a.
60. Kari sawat tan parawat kedik, ne kaptiang ne tan misi cacad, wireh cekap pamilune, tan nganggo timbang pedum, ageng alit manis pait, ngagu bisa manyeda, niru watek wiku, sapta resi sida wakya, ngarusakang sami-samining dumadi, saking tutur kewala, elingane watek yadu sami.
61. Sayih kedik kasidyaning temah, ring sarwa-sarwa upeti, manyusup balung sumsum, angerug manah amirangi, krama sami kalarang, makeh watek yadu, nganggo sadowak purusya, miwah nginun sarwa-sarwa mamunyahin, mangda tan kadurusan.
62. Narantanang saluiring nyenyengit, ngae tukar reh masan sangara, tur tan ngupet sesamane, kalingane puniku, kadi gae ngejot nuunin, upet panguman-uman, sat wisya matimuh, ring kori ambah-ambahan, lami-lami woh para tan dadi mentik, ngupasin sang mamula.
10b.
63. Kadi kocapang cerita nguni, wiku nemah ratu kawelasan, pada ewuh kapanggihe, wiku Sakri karuhun, nemah ratu Soda duk nguni, dadi raksasa galak, sesampune nyusup, ratu Soda dadi yaksa, wiku Sakri kasarap sesanak sami, satus wiku pralaya.
64. Miwah wiku Wasista ne riin, miwah ratu ne mika walesan, pada-pada kasrakate, Sanghyang Indra Karuhun, mangayonin wiku Alit sasti, saha sri Walikilia, masi dadi ewuh, Hyang Indra manggih kaerangan, saking panelase wiku alit-alit, genge sainan tangan.
65. Saking mampuh pakardine luih, marupa sang garuda winata, sida Hyang Indra kasor, krana sa watek yadu, yatna-yatna manangkes budi, mangdene side mimpas, ring sengara rauh,
160
