44. Nadiyan masane riyinan, masa Jenggala Kadiri, saturute manurunang, kateka ring Majapahit, taler maliyan kidik, ring anggen-anggene dumun, saduke jaman parwa, gelung sapiturang candi, kagentosin antuk gelung kakelingan.
8a.
45. Laris ri sampune medal, jeng susunan prabu kalih, raja Kresna Baladewa, tedung akeh mamerapit, sopacara mas sami, papenjoran ngajeng sampun, munggah numpak kreta, kajengsunan prabu kalih, parestrine sami mamargi riyinan.
46. Wenten majoli jampana, wenten ring kreta pedati, palinggihan tan pawilangan, laksa yan jempana joli, gajah kuda maririg, katah tan kena ingitung, rakyan patih Udawa, kanikayang ngeraksa puri, nuun nyembah ri pada jeng susuunan.
47. Anuli raris mamargi, kadi gentuh saking bukit, mangebekin aran-aran, tunggul pajang gadang kuning, putih barak len tangi, kadi rasa kapu-kapu, ngembang manyud-anyudan, suaraning kendang gong beri, miwah sungu kadi duruduging toya.
48. Urmat mariyem ping solas, jumegur karungueng langit, sampun lintang pajajahan, jero kutaning Dwarawati, nyerambah desa tani, tegal-tegal sawah dukuh, tan ucapan ring marga sampun matra-matra kaksi, lurah-lurah tanahing prabasa tirta.
8b.
49. Sesampune masanggrahan, prabasa tirta pasisir, akeh genah pararyan, bangsal-bangsal becik, sampun wus pada sami, tirta yatrane kawangun, tingkah mamuja ring Hyang, sandikanya puput sami, kalarisan makumpul sami mapepaumam
50. Pepek sampun prapunggawa, watek yadu watek wresni, andaka len watek boja, pra putra masurat sami, kabinawa kaaksi, dumilah sajembaripun, tanah prabawa tirta, kebekan dening mas manik, sarwa mule-mule busananing katah.
51. Dadi teja ngawang-ngawang, ngamaya-maya ring langit, kadi suarga tejanya, pakatone kaaksi, karangkung-rangkung asri,
158
