tetadahe baud raras, bisa ngenyor aseme kerangkung manis, pantes sapari polah.
37. Malih wenten katah lempung gading, kakurangan kidik kerampingan, nanging kebekan manise, matane nunjung biru, nging gigine silut akatih, sumangkin ngae raras, kemikane muluk, kadi rasa meladprana, samalihe delekan tan pati-pati, katah pagonjakan.
7a.
38. Masih katah sane masamita ganjih, kadirasa kurang kapagehan, tadah calep leliate, manise kepyar-kepyur, mawor solah nganyar-anyarin, katah enyor-enyorin, mudah guyonipun, nanging pangid asing solah, kaduk raras kadi penedenging sari, sisinoming negara.
39. Lali sampuning dewasa, dinaning praya mamargi, palungane nirtayarta, "ngungsi ring tanah pasisir, sayaga praya ngiring, jejel atep kangin kauh, kadi segara pasang, alun-alun Dwarawati, maampuhan saraning gajah lan kuda.
40. Miwah sakehing Punggawa, kriane prasamian mijil, nganti jabaning carancang, mabusana sarwa luih, Ugrasena Satyaki, Kerta Warna Arya Wabru, Mukia patih Udawa, Yadu Wresni andaka sami, watek boja miwah para raja.
7b.
41. Makadine Arya Samba, anak Dewi Jambawati, miwah Arya Prabu Dyumena, anak sang Dewi Rukmini, katah yen cacak sami, pinah-pinah rangkung satus, Satyaki lan Sarana, Arya Aniru da malih, miwaah putra Betara Sri Baledewa.
42. Ni Sata miwah Ulmuka, anak Dewi Erowati, Sri Erowati punika, anak prabu Mandrapati, sapara putra sami, panganggone sarwa luwung, makalung supit urang, mabebadong makelambi, waluyane pepayasing wayang parwa.
43. Wiwite payas punika, saking Hyang Indra ring nguni, mangicenin tatiruan, nanging yan masening mangkin, ring Jawa yadian Bali, sampun lami boya laku, mangda mangkin kanggeya, reh Jawa sampun nyejehin, masuk gama tata caraning wong Arab.
157
