siptaning kali, sumangkin kabiaparan, nakeh watek yadu, kasukan kalisangkara, ngampah-ampah ring pandita luih, tan mari among puja.
5a.
24. Sayan katah nganggo nyawadi, sampun kurang ring guru susrusa, akeh cekap ring gurune, sakewala sinuhun, Kresna Baladewa sang kalih, tan milu kabyapara, nyingak salah wetu, Sanghyang agnine ring kunda, tan dumilah katiban samida malih, suryane kawaspadan.
25. Ring das surup kanten sada kuning, tur tejane kaaras kawanda, sada katah soleh-soleh, nasi kari makudus, mambu bengu tur sada alid, malih wenten kapiarsa salah wetu, sungune si pancajania, mangunguung suarane tan sakeng upin, dadi wangsit sangara.
26. Wus karaos sang ratu kalih, yan mapala praya karusakan sakatah yadu wangsane, malih wenten kapangguh, candra graha kalaning wengi, ring tanggal ping tiga welas, eling duka dumun, durmanggalaning korawa, masih candra grahane kalaning wengi, ring wau tanggal telulas.
5b.
27. Ketang wau telung dasa warsi, paletan durmanggala punika, ne sampun ring sane mangke, krana kabaos cukup, ngewangsitang rusaking bumi. Malih ring ratri kala, istrining sang yadu, pada ngipi mangatonang, Sanghyang Kala Sangara mauntu putih, ireng paragan nira.
28. Mangan sakeh wonging Dwarawati, sami telas tan pakantenan, sang watek yadu lanange, ngipi ring ratri mangguh, yen rabine kawalat sami, antuk buron wanara, pangipine patuh, mabriuk sareng katah, krana susah blasah ribut ring budi, manandang kabyaparan.
29. Ri sampune lemau kanten malih, mijil senjata Batara Kresna, si Bajra Naba wastane, pican Hyang dumun, duking kandawa wana nguni, rata miwah kandania, katon de sang Yadu, mamargi ngambah sagara, miwah tunggul garudane sampun kambil, antuking widyadara.
155
