I. PUPUH DURMA
1. Purwakanya angurit kidung pisaca, ri kalaning sukra-manis, wuku merakihe kocap, pinuju sasih ping sapta, kresna-paksa panca-dasi, tanggal karwa, wulanyane januhari.
2. Tahunnyane yan kawuwus siyu sanga, pitung dasa nem jati. nanging riyin tiyang nunas, ledang ugi ngaksamayang. ratu ida dane sami, sang miharsa, kidung gurite puniki.
3. Inggih ndaweg titiang i kidung pandita, wesma loring rajyapuri, arya wangsa santana, dening mrih, karoredyan sapara santana mamj, krana milam bang, angurit pisaca kawi.
4. Sampun kanten paribasanyane matah, antuk loug tan sinipi. minta agung pangampura. katah langkung miwah kirang. reh tan ratep sujati, ring paribasa. langgana taler mangurit.
5.Ledangang singgih isinin ratu titiang, ngelanturang mangkin mangurit, anggen ican-icayan, lengkaranya ngatak wayah, kewanten manut akedik, nganut tembang. dong dinge mangde kari.
6. Crita kuna nuju Demung kawuwusa, nggawe carita puniki. mimit satwane kocapan, inggih wenten ta kocapan. Sang Nata sane malinggih, ring nagara, kangaran, Malawa neki.
7. Nagarane wibuh tur kreta raharja. wibuh bhoga wirya lewih. jati wibuh babaktian, sang sane nyeneng bupatiya. wangsa Mardawa apekik, lewihing solah, ngagem solah dharma jati.
8. Sasanening Sang Ratu ngawengku jagat. sami manggeh kamarginin, punika sane makrana, Ida sane kamanggehang. bhisekan
97
