6. Raden Putri kahetutburi, tur kacingak, indike punika, saking luhur, wit nyambune, nanging, Ida Raden Dewi, sampun sida kawastonan, samangdan mawali mantuk, ka Jambhawati nagara, kahiringang, antuk dane Ugrawati, Ken Madri ditu kerengan.
7. Critayang Kriyan Madri mangkin, masusupan, pidabdab ring manah, ngarihinin ka puri, ka puri Bhoja nagaratun, ngaremih Sang Raja Dewi, wantah cager nyentok rupa, reh warni kadi Sang Prabhu, mungguing Prabhu Ari Dharma, lumarisa, nglarang pangret margi, sang kahambilin kurungan.
8. Ngardi pangupaya sandi, ngalih cidra, dados rupa atat, paksi atate ngararis, nyujur ka Bhoja nagaratun, carita Sang Raja Dewi, sang laksmin ing pura, Sudesnawati puniku, rikalan ing tinangkila, ring babatarane sambil, rika ngemban putran Ida.
9. Putran Ida kantun alit, Raden Putra, kanggen ngaliliyang, stata wantah kalingling, sang katinggal yayah dangu, saduke ring weteng kari, sampun kaicenin parab, Darma Mejayane atut, warni bagus tan tandingan, wantah Ida, ne patut manyeladitinin, nagaran Ida Sang Nata.
10. Lintang ledang Sri Ida Sri Narpati, Kretawangsa, ri sapamedal Ida, putun Idane puniki, Bhoja nagarane landuh, wuwuh bhawan ing nagari, wikuh tur kreta raharja, paksi atat kancit rawuh, i atat sari punika, tur matinggah, ring wunwunan Raja Dewi, sang sane engon ban putra.
11. Saha makta ali-ali, katrimayang, ring jrijin ing tangan, sampun tinarima mangkin, ngolas asih tur amuwus, "Duh mas beline ja adi, mangdan adi sawuninga, niki beli jatin ipun, beli Prabhu Ari Dharma, titiang wantah, jati-jati rabin adi, masalin parab ne suba.
166
