41. Sang Hyang Saraswati saksat, yan rereh ring parakawi. wang jerone pada lega, kadi nembe ipun manggih, warnin Sri Nata Dewi, tatan pendah luya sampun, kni angsengan ajnyana, kapehan ajnyana sandhi, sampun katur. ring Ida Sang Naranata.
42. Tur sampun kahuningayang, mungguing Ida Sang Suputri. kenak dados ngandika, luir guruh kapat patis. amegat salulut sih, ledang Ida Sang Prabhu. Sang Prabhu Jambhawatya. medal kabancingah raris. sampun ngutus. ngaturin para Mpu Danghyang.
43. Sarawuh ing Panca Tanda, kalawan Jurwa Dipati. wireh tatan ngalempasang, kadi bisamane riin. sang ngawasa Raden Putri. yan ing gados waras luwur. bawos sane kaping tiga. pasewambharan Sang Putri. sampun puput. ne mangkin sampun kasidan.
44. Glis karya Naradipa, reh sampun cumandang riin. kebekan sapakara. sopacara tan ngirangin, wastra sutra lewih-lewih. mule-mule soca murub, pasilihe mabusana. wyakti mawarna-warni, sampun mungguh. maring bale pawarangan.
45. Genep sahasingasana, pakenyor tur murub ngcndih. kakudung yan kudang trap, sahalangse-langse malih. sutra palet pitu mirir, katejanan Sang Hyang Bhanu, prabhu kalih binresihan. pinuja de maharsi, Siwa Wiku, kasarengin Wiku Bhudha.
46. Puja santi kahuncarang, panjaya-jaya tan mari. kasidan mangguh raharja, makadi sang lanang-istri, sahardanareswari, Ida krabkambe sampun, teteg agung kaswarayang. rames tatabuhan munyi ngalup-alup. rebab semar-pagulingan.
47. Katah keselan pangajap, pangajap pada mamanggih. wus puput majaya-jaya, munggah maring jineng mrik. ring bale emas mahukir, bale pawarangan iku. crita sang kawarangang. sampun katemu karasmin, pada lulut, nyepukang smara ring
163
