27. Ken Ugrawati saraga, nembah dulur matur aris. malih ngalungsurang satwa, Batur Tapasa kajudi, samangdan masatwa malih, lega manahe ngarungu. kenyung Ida Sang Tapasa. tumuli ngandika aris; "Kenken unduk , ngulah demene padidyan.
28. Punika gustin I Dewa, napi ledang maniarsi, santukane sampun Ida, nyidang mangandika mangkin, krana beeikan lungsurin." Raden Putri Ida manggut, nuli ngawangsit ban cingak, Ugrawati sampn uning, glis matur, "Durusang Sang Wiku nyarita,
29. Kadi Ida gustin titiang, taler ledang mamiarsi, Sang Tapasa sawur banban, Kenakang mangkin, mahirengang apang becik, niki titiang pacang nutur, inggih wenten katutuan, jadma matugelan mangkin sareng telu, meme bapanyane tunggal.
30. Nanging pada malianan, kaptinyane sang trini, maring desa yugapada, desn ipune wasatan sane pinih cenik, Si Durlatha wastan ipun, kadahat maguna corah. tan maran ipun mamaling, malihh ipun, sidi mantra wus kalumbrah.
31. Tur uning masalin goba, nyuti rupa dados wil, paksi sato lan kumamang, karangsuk kala ngamuling duwen anak yadnyan ilid, sidakni antuk ipun, ngambil gelah anak lyan, makadinya emas pipis, lintang landuh, tan kurang rajabrana.
32. Pianak somah lan sakadang, sapekuren lega sami, tan kurangan amah anggo, sakaya saking ngamaling. sang sane panengah malih, Wekasa wastannya ipun, guna mahukir-ukiran. makamiwah manyanggingin, guna macul. kasawah Ian makandikan.
33 . Pikolihnya asedengan, .sakayanyane kabukti, panak somah pada lega, wong desane ahub sami, prekantinya pada asih, kadang braya pada asung, pada lega tur pitresna, bawosang ne pinih kalih, gunan ipun, teleb suleng maring sastra.
161
