14. Sig umahnya i balyan, ditu pada tureksanin, balyan nyampi tatu pada, makejang pada alihin, catur tupeksa Jaris. nganteg ka umahnya etut, tur bani etohin angkian, yan pada iya ngukuhin, keto sanggup dadianya jani madabdab.
15. Mangkin ngiring caritayang, nyujur ka umah sang kanin. katungguhan antuk sumahnya. sedek pules ne muani. ne nyuwang brana ne tuni. punika kni katutug, sane corah kakeniyang. pules nyingkrung mangungkurin. tur masaput. ngungkurin tejan ing surya.
16. Kakawukin kakocokang, sang tiga ngubeg nundunin. i maling ne mpung kagagah, saputanyane kahembusin. teked kudugnya kaambil, ditu iya negak bangun, muanyane biing bahag, semunyane mamuringis. pada guyu, sakatah sang madingehang.
17. Wenten sane mangucapang, to sang Wiku saking bangkit. sapupute manyarita, kenyem Ni Ken Ugrawati. ngararis nunasang malih, ring Sang Tapasa mahatur, "reh sampun mangkin kakeniyang, druwenya sane kamaling. inggih Ratu. sapunapi pamuputuya.
18. Mungguing kandane punika, napi ulihang malih. Sang Tapasa sawur alon, "Yan kadi tiang nepasin. maling patpat pada polih." Sang Batur Sasana nyawur, "Ne mucukin tuhu corah." uyut makanda di sepi, Raden Galuh, maklecet Ida saksana.
19. Makadi ida sang Dyah, Sang Ratna Kumudawati. uning raris mangandika, nanging kadi beda kari. luir guruh kawuh aris. wecanane Raden Galuh, "yan ring titiang lian manah. patutnyane ring sang kanin, palan ipun, reh ipun ngolasang manah.
20. Napi krana kaguyonan," Sang Batur Sasana kenying, semu guyu ngawi raras. Ugrawati kawarigsitin. atur sembah Ugrawati, tumuli mahatur alus, "lnggih Ratu sang Tapasa. leda
159
