nya munggah pakahyunan, ne mangkin ngiring mamargi."
18. Sapunika munggwing atur; atur Dyah Ugrawati, sang sane katuran gambar, gambar ida Raden Putri, kadi dudut kahyunin,"Nah sanggup."
19. Sang Tapasa malih muwus, "Duh Dewa sang Dyah Ari, naben titiang manyanggupang, ida sane kaparain, tan len sang Batur Sasana, atur I Dewa kisinin."
20. Ken Ugrawati lumaku, tan critanang maring margi, sampun rawuh ring nagara, ngaran jagat Jambawati, prabune Sri Dwepasanta, wantah Idane kasiwi.
21. Rikala sampun kahatur, indik wenten sang nyanggemin, pacang nambanin sang Dyah, raris kahutus ngesengin, diglis sampun prapta, nyognyog ring linggih sang Dewi.
22 . Ring linggih Rahaden Galuh, ring Panti Mandala linggih, sungkane mati swara, sarene maserung sami, matabing kaca sinamiyan, maklambu sutra ne ngendih.
23. Wastra sutra palet pitu, wawayangan kadi klir, linggih idane sang Dyah, saking rika sami kaksi, sakatah sang mabawosan, Ugrawati rawuh tangkil.
156
