tanin, Batur Tapasa pukulun, lian munggwing padukuhan, nyaman titiange puniki, wantah Ratu, nggen titiang nyama alitan."
54. Ken Madri mahatur sembah, "Nggih Ratu Sang Narapati, panyeneng Bhoja nagara, makadi titiang puniki, kanggen semetonan alit. antuk sang mianyingid rawuh, rawuh manjing mangapuriang, ledang Sang Prabhu ngarsi," nyawis alus, Prabhu Bhoja mangandika.
55. Uduh sadya nembe pisan, kadi I Dewa kapanggih, putran bapane i dewa. duh Batur Sasana cening, durusang swecane cening, bapa pisarat nglungsur, pasuecan kahyun i dewa, yan bhinayang luya kadi, i tunjung, kasiraman dening ujan.
56. Inggih iriki i dewa, prasida nyeneng mapuri," Pujawali pangaskaran, cutet critanane mangkin. sapula-paline sami, indik pawarangan sampun, kapuja antuk Mpu Daghyang, Ida Sang pangantyan kalih, istri-kakung. akaron ring singasana.
57. Riksaksana kancit prapta, wawalen Ian sarwa wali, magentos kalute suba, liang rene wong ing puri. rames baladika Mantri, ne maring bancingah umung, pada maliang-liangan, masliyuran wali-wali. egar langkung. tan pisan ping ro ping tiga.
58. Pada ngaturang ayaban, kaping kalih pararabi, wong jerone pada nembah, makta, sarwa aci-aci, bungah murub turin asri, katahnya tan kneng itung, sat agunung kusuma, babanten sampun mamargi, sampun puput, sopacara kamargyang.
59. Pakahyun Ida Sang Nata, gumanti samangdan raris, ngabiseka sang pangantian. madeg ardana mareswari, katuran mawosin gumi. puput kabiseka sampun, sang kapikedehin nulak, irika Ida mapamit, yan ing sampun. puput waneng wanawasa.
152
