33. Sang Prabhu ngandikayang, ngambil tutup gelung raris, sampun katur ring Sang Nata, emas wayah tur masanggeling, dekdek socanya mlaketik, sambeh ring ajeng Sang Prabhu santukan sampun katilar, krana tan pateja mangkin, lepis lumlum, emase tatan pateja.
34. Mangkin malih Sri Ari Dharma, ring pacanangane nyingid, glis raris kahaturan, mangda punika kahambil. sase sampun karahyunin, antuk Ida Raden Galuh. Sang Prabhu ngandikayang, ngarsang gantene Sang Putri, sampun katur, kagembel antuk Sang Nata.
35. Sampun ring tangan Sang Nata. mapinda bajra ngendih. Sang Prabhu Ida kagyat, kentungan sepahe mangkin, ring natar umurub malih, Sri Kretawangsa Prabhu, gelis Ida mangandika."Uduh paman Kryan Patih. kama gisu, ento bajrane matiang.
36. Irika pada sinanian, para Tanda Mantri Aji, magrudugan mangapuryang, manjing ring jron ing Puri, muat gagawan
suligi. danda gada muang harug. munggwing bajrane punika. murub ngaput Raja Putri. sampun kasub. satrun Ida Sang Nata.
37. Ne wenten ring jro pura, marupa bajrane ngendih, Ida Resi Paradwan, ngarsang pitulungan mangkin, ring Ida Sang Tapa sidi, tegteg gungu katabuh, bulus swara silih timbal, ndehnmuat kangka lan keris, lan pangentuh. salwir kancan sanjata.
38. Pajalannya gagancangan, kadi andus yan upami. rawuh wadwa mabledan, tan wenten sida amberin, magulung-gulungan prapti, majejel ring marga agung, sahalun-alun seksekan, tiyos wenten makideh ring, tembok iku, ring sengker puri punika.
39. Lian jerih nangkajutang, mabyayuhan tur makirig. den ing sakalintang marga ebu mangantenang geni, murub dumilah ngangobin, ngabar-abar mangarudug, mangabusin panasbara, tejan genine nikelin, kadi iku, panadenya i bajra.
149
