Nata.
27. Mangkin keni antuk titiang, nging sang sane makawanin, sungkan iyun Sang Naranata," Sang Prabhu ngandika malih, "Pisara I Dewa mangkin, tiang piserah pamuput, akenken
antuk I Dewa. tiang teka jag nututin, bilih enu, wenten ring kahyun I Dewa.
28. I Dewa mangda nyaratang, mangaruruh jantos kni. inggih dong malihin dewa," kahaturin nganampekin, ring linggih Sang Raja Putri kala gagem sekar tunjung, Sang Prabhu kahaturan, ngarsang sekar ring Sang Putri. sekar tunjung, sane kahagem Sang Dyah.
29. Raja Putri ritatkala. ngagem sekar tunjung mangkin, sahamanatakin wangia, sampun kahatur ne mangkin. i sekar antuk Sang Putri, majeng ring Ida Sang Prabhu. saksana layu i sekar. Sri Aji Dharma malih. mesat ditu, gelis masasalinan unggwan.
30. Makadi Sri Aji Dharma. wantah nyadya ngajengahin. nyingid ring gadung kasturya, ring gelung Rahaden Putri. ne nganteg maring panepi, panepin Ida Sang Ayu. malih Sang Prabhu katuran. ngarsang i gadung kasturi. sampun katur. skar dekdek tan pawanan.
31. Ida Sri Aji Dharma. ring samping Rahaden Putri. irika Ida malingga. wecanan Sang Narapati. "ring dija magenah malih bencanane tan kapangguh," Sang Tapasa raris nyembah. "Malih Ratu salin linggih. mangkin Ratu, ring trangganane
Sang Dyah."
32. Sang Prabhu mangarsayang. tumuli raris kahambil, sampun
katur ring Sang Nata, sekar trengganane sami. ambunyane mrik nanging, mangkin saget pengit bengu. angob wong jro purian. crita Aji Dharma malih. salin lungguh. ring tutup gelung Sang Dyah.
148
