7. Ngutus sakancan ing balyan, samangdan rawuh ka puri, gelis pada sami prapta, medek ring jeng Narapati, raris pada kata kenin, buat sungkan Raden Galuh, sinamyan tan sawuninga, glis Sri Narapati, malih ngutus, ngaturin para Pandhita.
8. Sarawuhe Sang Pandhita, mahatur ring Narapati, "Duh inggih Ratu sang Nata, sampunang sangsayeng malih, ring pamargin Radyan Putri, anak palungguh Sang Prabhu, den ing wenten satwa kuna, sang Dyah Kamarupini, ne malungguh, maring singha Manggala.
9. Nika reke jagat Ida, Prabhu Kaniya kasub lewih, jati maraga utama, surat tunggule cinawi, tunjung kembang sane mentik. mentik ipun duwur batu, tan pisan wenten toyanya, sapunika yan upami, mangdoh Ratu, ipun pacang ngawijilang.
10. Nanging mijil tan pakrana, kayunin Ratu pang becik. ping kalih eling-elingang, nging Ida sang kapunguwin, tan wenten pisan nyumponin, sayan sungkawa ring kahyun." sangsara duhkitabhara, tan pasingkaban wiyakti. peteng libut, kahelengan pakahyunan.
11. Ngaliep akain Sang Nata, duk punika kancit prapti, Mantri Pangelet ngapuriang, tangkil ring sang Sri Narapati. sarawuhe matur bakti, tur matur piuning sampun "Niki wenten Ida Pranda, parab Saraduan Resi, sane sampun, mawyara ring i raksasa.
12. Saking Ida kahaturan, samangdanya rawuh tangkil. malih wenten tamiyun Ida, mawesa Wiku Angampil. pinda tara brata miskin, ragan Ida brag acum. klus warnine wong menak, "Sang Lokasin tulak malih, reh kahutus, ngaturin Ida Pranda.
13. Tumuli sampaun prapta, marerod sinareng kalih, Sang Paradwan rihinan, mijil atur Ida haris, banban wencanane manis. "Duh inggih Ratu Sang Prabhu, tan sadya cokor I dewa, ka-
145
