kneng winilang, ring pencar sampun kakaput, makebur saking irika.
26. Tumuli mangungsi mulih, sarawuhe maring umah, i blibis tur kagenahang, magenah rika ring sanggah, tur sahakaupakara, benjanganyane ipun gupuh, Bharajana mangaryanang.
27. Ngwan gunang guwukan becik. tur kapayasin ban wastra, sarwa sutra laluwese, malih sane kancan sukla, bawos i blibis petak, "nah dong dingehang ne malu, aduh paman Bharajana.
28. I kedis guwak kakalih, luh muani mabawosan, den ing iya ngamenangan, i lalipi ne angkara suba jani kamatiang, jani ada maling rawuh, ngengkebung rajabrana.
29. Ditu di gowok kahilid, i dangin tegal Kawya, jani paman
kema enggal, kema majalan tur nyemak, mas manike makejang. i maling iya suba mantuk, "Tan crita sampun kasidan.
30. Kasayangang i blibis. luh muani I Bharajana, tur kauangkenin pianak. kuwastanin Sang Tapatya, "Sahantukan risak-sana, dewa ngalosang pitulung, ring bapa tan patandingan.
31. Swecan i dewa tan kadi, patut makadi i dewa, anggen bapa dewa pianak. tutugang tresna ring bapa, dewa saking piwolasan, ring bapu kalin tang lacur," puput Bharajana sapunika.
32. Sasambate ring i paksi, benjang semeng sang Tapatya, malih raris mabawosan, "Duh bapa sang Bharajana, cicing bapane tunian, sambil ngeling iya manutur, punika ngajak somahnya.
33. Nika bapa apang uning, i tuni bakat kalempag. malih tan wenten iwangnya, olih i mling ngalempag, i maling mapi Kateba, kalemahan iya ditu. mangawe bangbang di tanah.
138
