V. PUPUH SEMARANDANA
I. Mijil Ida Sang Hyang Rawi, swaran paksi matrayuhan. rame luya mamajarang. majarang sampun rahina. miwah. kakruyukan ayam, saling timbal nyambung-nyambung. crita Prabhu Ari Dharma.
2. Matangi ngusap pangaksi. kagiat Ida manyingak. nyingak bulun ragan Ida. awar-awar putih sentak. mangdados walibis petak. nanging tan duhkiteng kahyun. ing baya gawe ne suba.
3. Palakarmane ne nguni. ne jani bakat pupuwang. diglis ka ambarane. tur tegeh mangawang-awang. pekebure alon-alonan. ngepirpir kampide alus, senker puri ngider kiwa.
4. Wangjrone pada manggih. pawinten Ida Sang Dyah. Sang Dewi tiga kocapan. smitane kulangunan, bengong tur kalengan Ida, den ing kapiwelas mangguh, rakan idane sang Nata.
5. Wang puri Malaya sami, pada mabalih irika. wenten gawok mangantenang, panarkan sang katambetan. nah ene kedis swargan, jani tumben saja turun. sayan ngedohang swaranya.
6. Kampide maklem putih, awar-aware dumilah. makdep maklem nyalang, kasenter tejan ing surya, ngulangunin pakebemya. sayan tegeh luir handaru, ambun putih kasusupan.
7. Kadi lawat toya wiakti, nandan paliat sang nyingak, ical ring tungtung ing tingal, kelap-kelap mangalodang. makaten jurang ing alas, garem bengan pangkung-pangkung, tukad a bing yeh klebutan.
135
