9. Wenten sane ngempos lima, pupusuhan tios ati, nganutin margan sang yayah, prabhu raja Mala dangu, ne matilar ke Mandala, nangun kerthi, mangda kasidan raharja.
10. Wusan ngajengang manusa, crita Sri Dharma Aji, ngalekas asalin warna, dados asu putih mulus, ngedih sawa ring sang tiga, ring butadi, i asu uning manyakal.
11. Ngulun-ulun swaranya, tur ngongkong cengkang-cengking, drika sareng ngrebut sawa, Dyah Widaksi katutug, misreng bungutnya enggang, kahuntalin ati antuk da Sang Dyah.
12. I asu mangkin nyaratang, manguber rahine malih, sampun Ida katutugan, ngreng i cicing mangulun, enggang gelek-gelek nyebak, turin malih, layah nyelep maledledan.
13. Dyah Widaksa katututan, nguntalin pupusuh raris, pupusuh mauled reko, i cicing malih matutug, ring rahine Dyah Widata, kalinderin, bulak-balik mahidehan.
14. Mawali-wali kacakal, ngulun-ulun mangolasin, kicen kahuntalin limpa, tur katating raris mantuk, sang Prabhu sampun uwusan, rupa yuti, kabongkos tur kahilidang.
15. Nuli raris kacacarang, ring pasuryanya Sang Dewi sampun rata katekepan, kagenahang malih sampun, ring pamreman dewi tiga, sang Nrepati, Ari Dharma raris lungha.
16. Lunghane kapasiraman, rawuh irika masuci, wuse masuci sang Nata, ne mangkin malih aturu, sapunika ida sang Nata, mamintonan, maring rabine katiga.
17. Critayang Sang Dewi tiga, ring setra kantun padingkrik, baskulangune kalintang, kahyune kaduk kapulut, ring senenge ngajeng sawa, ne ne mangkin, kadi tengkejut makesyab.
129
