Cebur nuju daging

Kaca:GEGURITAN PISACA.pdf/130

Saking Wikisource
Kaca puniki kavalidasi

IV. PUPUH GINADA

1. Yan munggwing ida Sang Tiga, Tri Gancapa kaparabin, punika raris kajamah, antuk Sri Dharma Prabhu, Sang Putri maka tiga, ngamimitin, nemuang raras ring pamreman.

2. Maganti-ganti sang tiga, kni surasan karasmin, siliasih ring pamreman Critayang ne mangkin sampun, puput reke pakraban. yan sotaning, anak wawu maparabian.

3. Tingkah maparabian anyar, karaketan lulut sih, sapamargi makurenan, rerad-rerod tut sadulur, wireh wawu mamangguhang, ne ulati, kadi ne acep ring cita.

4. Sabran dina macangkrama, ring gunung ngawi pangawi, sasri yan gunung sagara, karangang ring pakayun, smara ratih
kapindayang, nglang-nlangin, kabangkitan gunung alas.

5. Sang Dyah tan wenten piwal, sang tiga adung sinami, pada tresna kapitresnan, ring pamreman saling gelut, ngulurin manah kasukan, ne ne mangkin, rawuh masa tengeh wengya.

6. Dyah Widaksi irika, nanginin rahine kalih, Dyah Widaksa Widata, lunga kala tengah dalu, wisayane wantah ngiwa, reh kadalih. Sang Prabhu leplep anidra.

7. Dwaning nyilib ka setra, nanging ke Sang Prabhu uning, ring paksane putri tiga, lewih naya Sang Prabhu, gelis nutug Ida lungha, nyujur maring, ring pamuwune ring setra.

8. Irika sampun kacingak, rabine makatrini, tur sampun marupa yaksa, sedek ngajeng bangke ditu, ngigel mahideran reke, mada ingkling nyeje mangarepin sawa.

128