14. Rawuh Ida ring Yamuna, yan bawosang. tukad Yamuna puniki, katunggalan sareng telu, ne ping kalih Swabadra. kaping tiga, tukad Loma aran ipun, ne ring teben matunggalan, kagenahin buaya kalih.
15. Rika maka muwaranya, makawinan, sepi namun wantah riki. sawatek ing pararatu, tan wenten rawuh meriki. caritayang, Sri Aji Dharma Prabhu, jag tumendun maring toya, kasarap buaya ne mangkin.
16. Idepnyane parikosa, makalihan, nyawup cokore Sang Aji. Kroda Ida Sang Prabhu, kalih kasawup apisan, kaunggahang wawu ring daratan sampun, warapsari nyundar galang, panganggene mangupirpir.
17. Tur raris matur ngasab, alus banban. "Duh inggih Ratu Sang Aji, lintang tan uning I Ratu. ring puniki sikian titiang, ne mawastha. Kamini ping kalih ipun.Krimika ne punika, wangjeron Sri Watra Dewi.
18. Ne sampun makadi titiang, kandikayang ngrusak mangoda maring, Lokapalane puniku. mangoda Ida Sang Dwija dening tejan, ldane ring langit rawuh. sanga Dwijaa sidhi wakya dukane ring titiang raris.
19. Katemah dados buaya. ndatan Iyan. makadi Sang Narapati, ne patut ngalukat Ratu, pasweca Ida Batara, reh pikedeh, pinunas titiang punika. nering Ida mapinunas, sumangden Sang Prabhu ngangkid.
20. Sweca Ratu nglukat titiang, bhoya nyandang. titiang nyantos sumangdan ing, wenten pituduh Sang Prabhu, yanu pangayah anggen titiang, nawur utang, satahun datan katawur, sasamenya ratu titiang, wantah titiang nutang urip.
123
