48. Luya kadi sampun wengi, guruh alon, piarsa midehan, kasarengin lan kilape, paklep tatit pasliyur, kadulurin angin aris, bales patiban ing ujan, kayunyane pada ditu, ngedged kadi
kadinginan, klaskasan, bulenanya putih-putih , kadi masaput ban embunan.
49. Yan sawang i taru sami, winaluya, sang langgeng tan obah, saking genahnyane mentik, nyadya nindih genah ipun, satya purun metoh pati, ngupipir ipun nyungsang, semu baag pelasan ipun, nyanding taru tangi ika. ring bungkilnya, glagah ditu ngebekin, atub kanggen palincakan.
50. Antuk buron warak kancil, pada sarat, ngulati mabuktian. manjangan kidang makadi. liang macundayang ditu. sambil neda padang abing, ring lebak-lebak tegal, padangnyane pada atub, pianaknya pada ajingkrak, makidangan. kancit wenten macan prapti. bungutnyane kasebakang.
51. Kanten calingnyane lanyir. gigi rangap, i kancil iya rengas. patiluplup iya malaib. i macan misadya ipun, pacang manyarap i kancil, yatna ngintip ikuh ika, pacang nyagrem saking
pungkur. kukunyane lanying pisan, turin akas. semunyane mamuringis, klepan matanya barak.
52. Bunter matanyane nelik. tur dumilah, bungutnyane nyebak . calingnya tajep mahingid, pasulambeh magurudug, kidangnya pada malaib. saling langkunging malumpat, mangecogin timpal ipun, macladukan palaibnya, wenten lian, mawali kajurang malih, ngungsi gwa-gwa tukad.
120
