42. Ndatan sah raris mamargi, jantos sampun, reke dawuh tiga, dusun-dusun kalitangin, bongkol gununge kajujur, ngaran gunung Imadri, kancit iriku kacingak, toya anakan ne lebut. mbahannya ening pisan, lan bulakan, irika Sang Sri Aji, mara wup raris masucyan.
43. Nunggalang kahyun Sang Aji, tur nlarang, pujagnihetra, ngastawa Sang Hyangning Nadi, endihe suda puniku, ri wus Idane masuci, wenten sasapi nglayang, kahulapin de Sang Prabhu, "Duh kedis sasapi iba, mahi pehekang, iba tunden gelah jani, kema iba ngaba surat.
44. Surat glahe ne jani, to tekedang. ring juru makejang, sawatek wawengkwan kai, "I sasapi pada iju, ngatampekin pada tangkil, sanyamanya pada nyembah, diglis Ida Sang Prabhu, irika nuli anyurat daun pisang, sapuput punang rerepi. Sang Prabhu malih ngandika.
45. "Enah ne cai sasapi, apang nawang, pamargan manira, nyilib ninggalin nagari, apang eda iya pada giyur, pamargin iraga jani, gumanti matirtha-yatra" I sasapi ngiring sampun, mapamit raris ngalayang, ring ambhara, egar pakebure nginggil, kacrita Ida Sang Nata.
46. Ngetan tumuli lumaris. sarwuhe ring bongkol parwata, bongkol gunung Imadri, ngararis munggah ring gunung, tepin jurange marginin. tegal bresih wus karabas, tiyos alas-alas ipun, ring samping ing samping ing pakubonan, ring betenan, margan i macam morosin. mamorosin kidang alas.
47. Ambengan lan belu malih, ring sampingan, pinggir ing pagagan, ngebek satepin ing nadi, sampun lintang Sang Prabhu, ngranjing ring alase nuli, ring bangkiang gunung punika, gunung Imalaya atub, ebet makewehin pisan, maslingketan, remrem tejan Sang Hyang Rawi. kaput awun-awun rika.
119
