36. Rug jagat darmane tan kari, telas rusak, rika Sang Hyang Dharma. saking welas kahyune ngaksi, mangaksi punang nagantun, rika Ida malih warni, twnurun dadi manusa, maring sweta nagantun nyadya ngrahayuang jagat, tur manjadma, minda Sri Narapati, sapunika katatuannyi.
37. Sapunika ature Sang Dewi, kasawuran, antuk Sang Narendra. "sampunang malih mangawi, sotan ing sang sane sampun. njayeng tilam tan patanding, uning mangkin kadi titiang, pangrawuh ratu Sang Ayu, ne maparab Sang Menaka, tatan bina, duk inutus lndra nguni, sakarsan tatan tinanggal.
38. Mantuk I Dewa mawali, tur uningang, tatan sida karya, "sapunika ling Sang Aji, sang Menaka ngawi semu, nalepdep semun ing aksi. ngawi tingkah meh anembah, tangane manyangkol susu. sambil nyalongsang sulendang, kanten sinah. kamrosan susu rupit, sctel ring lemuh ing madya.
39. Puput ngaturang ngabakti, tur mamarga, nglayang ka ambara. sambil nyaledet manolih, maklecet masawang kenyung, muksah ical saking aksi, manyarengin pakijapan, awon maring awun-awun. luya kadi kakeliran, tur madamar, antuk tejan Sang Hyang Rawi, critayang sang katinggalan.
40. Ndatan sapisan ping kalih. kagodayan, krawuhan bancana, bancanan Ida Hyang Widhi, ngrusak darmane puniku. pakahyun sang Narapati. gumanti mamrayascita, pangrawuh cihnane letuh. ne ngardi pacang sengkala, makahyunan, pacang manilar nagari, yang dina napi punika.
41. Bawosang ring tengah wengi, ritatkala, mumpung pada nidra,leplep wong ing sanagari, medal Ida Sang Prabhu, manyingid Ida mamargi. pamargan Ida nganginang, tan pairingan lumaku, ngraga mamurang-murang, crita semeng, lintang saking panagari. rawuh maring padusunan.
118
