12. Bawudanda Tanda Mantri, lan jurwa, dipati makejang, prebekel lawan prejurit. apang sampta puniku, "sapunika Patih Madri. kalabuhin pawecana. Rakriyan Patih awot santun, sampun mapamit wus nembah, ring Sang Nata, adan apangarah nuli, madawuhang swakarya.
13. Ring Tanda Jurwadi Mantri. makamiwah, rawuh ring padusunan. sampun pacta kadawuhin. makadi ring mekel ipun, cacaron sami mamargi. padanane tan kaucap, sujati ngebek supenuh. crita ne mangkin Sang Nata, amastika. nglanggengang asamadhi. stata muja arcana.
14. Ne kasthithi ring smadi, kabatang. wredyang ring ajnyana. ayun ing ajnyana sandi. kesehan ambunya arum. masukin buat pamargi. pamargin Sang Widadharya, srawuhe mabin ditu. ring pupun Sang Prabhu kanan, kanggek cita. Ida Sri Narapati. wawu nyingakin Sang prapta.
15. Kles anteng susune nyangkih, ngemyuh danta. wangkonge nyariga. magoleren lemuh ramping, egolan madyane pangus. kedapan kenter ban rawi, kadi ductus kapanesan, punika sasamenipun. tanggun cingak sawang barak, kasungkawan. saw:mg sayang toyan aksi. ngawuwuhin kabangkitan.
16. Siratmaya ngulangunin. tur prainyan. nfawi babawosan. inab ngasor miwolasin. "Duh jiwan titiang i ratu. inggih duh Ratu Sang Aji. rnakapanyungsungan jagat. sulaksaneng kaprabhun. swecanin puniki titiang, nggen pangayah, Ratu sane mangkin sedih. katinggal pramiwarya.
17. Sedam? tan rnanut indik. nggih kalintang, angob kadi titiang, mamangguh Sang Narapati. kangen manah titiang Ratu. nandangin sungkaweng ati. sedih kembahan duhkita. malihnya anggan Sang Prabhu. kantun anom mumpung pisan, kalingganan. antuk smara lulut asih. mangkin kadi tan paguna.
114
