6. Sampun kahutus ne mangkin, kandikayang. ipun mandawuhang, mangaturin rakriyan patih. Patih Madri sampun rawuh tur mepes mahatur bhakti, sahasmu-waspa, kapihangene kalangkung. ring Ida Sang Naradipa. "Nah ne paman Patih Madriya. ane jani. krana beli ngesengin paman.
7. Reh beli sangsara sakit. maring manah. cihna ring pasepan. mangajarang twara becik, krana beli sedih langkung. bilih rusak jagat sami, saking Jaksanan ingwang. corah letuh dadi ratu." Patih Madri manyawisang. matur nyembah. "lnggih Ratu Sri Narapati. wyakti tan kni lempasang.
8. Patitah idane Hyang Widhi. yan kamanah. niki antuk tittiang. naging untang manahe jati. sajroning manah nguwub. pangubakti saking asih. manggeh titiang. mangawula. ring lungguh, Ratu Sang Prabhu. tan patut makadi titiang. makelingang. ring sang maraga Narapati. sane mangkin kimon nunas.
9. Punapi iyun Sang Sri Nrepati, nggih durusang. labuhin wacana "Sang Nata alon wacanane:'pidabdab beli ring kahyun. sedihe jani tawurin, saking welas teken jagat. tan wurung mandadi uwug, saking kainstaning tingkah, kaletehan. sang ane nedungun gumi, masa ke tong milu kna.
10. Kakenan sakriyan ing gumi, kegringan. kalaran sajagat. krana ada idep beli jani masrah pamuput. ring maka jurwa dipati. mrayascita punang jagat, widiwidanane wangun. salwirning pacacaruan, ring nagara, ring gunung-gunung jalanin. kancan Pujawali-krama.
11. Para Bhiksu Pandhita Sulinggih. sinamian. aturin muputang. mangawit misuda gumi, kadi Hyang kasuhun-kidul. dang Paryangane sami, sakaryan ing kabuyutan. dawuhin makejang ditu. dulurin uni-uniyan. Jan madana. bhogane punika adi. rawuhang teken i panjak.
113
