112. Mangeladin tresna asih masomahan, tunden ambulto jani, pan cening tuara ja enyak, nah dong kema te majalan, duh pan cening gati-gati," kedeh pisan, kadi ipun Ni Manggali.
113. Nyadug-nyadug tur sada nulud nuludang, punika sane muani, ne mangkin raris mapajar, "Nah kema nyai bangka, buat matinnyai saking, kaletehan, dewek nyai ne padidi.
114. Beli twara pisan milu kahanyudang, bane saking matin nyai, matin nyai ngrusak yasa, nyalanang sangaran manah, naryapatya kadanin. ban sang wikan, anak eluh ngedong mwani.
115. To krana kema ne jani majalan, twara ada nyelengkatin, kema suba padidian, sasanan icange lanang, tong ada nyedihang, ati, reh kawenang, milihin mangalih istri.
116. Dadi buin icang lakar ngalih somah, asing ada tresna asih, apang icang eda kanaraka, krana alas buka icang, apang eda kenraka icang keni, kenistayan, kanrakaian olih nyai.
117. Pang sampunang beli milu kanarakan, buka Ida Sri Narpati, bas katuwon pisan-pisan satia teken ing pawestriya, diastun icang rupa kambing, twara nulad, mati saking tambet weci."
118. Sapunika pajarnyane I Maliniya, nuturin luhnyane mangkin den ing timpang ring mahanya. Sang Prabhu Ida Miharsa, saksat kasiramin warih, ring pakahyunan, eling tan wangdyan kni.
119. Papa karma kaporodin kaliahan, yan milu manutug rabi, rabi letuh ngrusak yasa, ngusakang darmane suba, tan patut amongang maring ring angan Ida, sang sane ngawengku gumi.
120. Tatan yogya yan sang Nata mapamarga, lanang ajrih ring istri. dadi kaopet ban jagat, kaucap i dewek nista, reh ajrih
110
