mahatur kadi, sawang duka. "Duh Ratu Sang Nata Aji.
79. Punapi sih jati jati makawinan. dados mawetu ngguyonin. nawi lempas antuk titiang. mangiringan pakahyunan. nyelabang indik krasmin rasan sanggama, makawinan kaguyonin.
80. Mawecana Sang Nata, "Duh adi mirah. boya wenten kento adi. kadi wecanan Imirah. wirehning i dewa wantah, anggon beli dewan akal adi pascad, nyanggra kalulutan beli.
81. Yan ing solah twara ada katunayan, malih twara ada tanding, buat raras ing karasmian, duh mas beli tuah i dewa, adi make dewan ati. nggih sampunang, kadi adi walang ati.
82. Salah tarke ne tan sapira-pira, antuk beli kedek kenying, inggih munggwing kajatyannya. ada pingit kakemitang. warah ing Hyang teken beli. twara dadi wera, yadyan ada manakonin.
83. Pitengete suba sida kawastenang, kena upadraweng Widhi. tan pawali janma muah. keto mungguing palugrahan. ane malu teken beli, sat kemit jiwa, kasatyane gambel beli.
84. Satya ruhu amongang beli stata, linggan sang nyeneg Narapati. keto wacanan sang Nata, nering Pramiswari ida. Sang Dyah tan tujuing ati. ring wecanan. Narapati.
85. Mrih pisan buat kasadun ing cita. nyadya mangda kahuningin, wirang yan tan pawuningan, malih yan tan kawarahan. nglalu diasty ngemasin lasya seda, reh katengeh ngalinyokin.
86. Tur kabawos makadi ida Sang Nata, sampun anglesanin kapti, twara jati kalulutan, sang sane kasinengguhang, nglinyok nanging sujati, satyeng ujar, sang pitresnane jalanin.
106
