44. Lipi deles sida ban beli mademang, nging Ida Sang Nagagini, dadi Ida kena lempag, malayu tur tan marenan, tawan-tawan tangis, yan beli ngenehang, Ida mahatur piuning.
45. Nguningayang saking patut solah Ida, I Aji sinah nglinggihin, pitui solahe corah, ento ngawanan duhkita, di manah beline adi, tan pariwangdya kadi beli keni sisip.
46. Tur kapastu antuk Sang Hyang Nagaraja, becik yan, kabhaksa beli, apang mati jag pisanan, padayang ring keni temah, pungkur yan malih numadi, mangden kasidan, katemu mamarek malih.
47. Dening Ida sane tware sida pasah, panyungsungan ne bhaktinin, ne linggihang beli stata, mangda Ida ri wekasan, buin bakat sungsung beli, ne astawa, kapuji rahina-wengi.
48. Manggeh makaguru lewih ing utama, basbas saking sujati, Sang Nagini lewih dosa, iwang lempas ring sasana, salah sila aswami, ring ula tampar, reh Ida Naga-suwreti.
49. Yan binayang luir kadi Dewi Uma, nyawita ring wiku janmi, timpang murug larangan. tan patut laki punika, marabi ring Brahmani, tan manut tegak, pituwi anrangin gumi.
50. Ento ane mangaletehin nagara, rug kahayuwan nagari. "inggih mangkin sampun sida, kapiarsayang antuk Ida, olih Sang Hyang Nagapati, nika ngawinang, dukane kadi sapuhin.
51. Kenging putrin ida ne mangkin katiban, pidukane tatan kadi, kabawos ngadu pisuna. amunika raris lunga, kesah saking genahe ngingid, nyalin warna, mawesa Pandhita lewih.
52. Ring bancingah kaping pisan dnanyantosang, ngokasang Ida ne mangkin, ngaturin Ida Sang Nata, makadi Sri Naranata, madabdab bipraya mijil, kahandegang, antuk Ida pramiswari.
102
