26. Winaluya titiang tan wenten sentanan. wangsa tusning putri lewih. putrin Sang Hyang Antabhoga, san pinaka dasar jagat, makapakukuh ing bhumi" asapunika. antuk Ida matur uning.
27. Wikan ida malikang rasa agama. sinambi tan mari nangis. ingel-ingel aslegukan. toyan aksi tan sah mecat. Ida Sang Sri Nagapati. piduka ngarah. dumilah murub ring ati.
28. nggih punika sane sida mangawinang." ngelut putra tur masihin. kalih nyapsap toyan cingak. "meneng dewa duh mas mirah. cening. dewan bapa jati. puniki bapa. masatam bot mangencanin.
29. mangencanin satekan satru kancanya, duka Sri Ulapati. kabanda antuk pitresna. raket asihe ring putra. wireh nora wenten malih. ne kaheman. murub upas gni mijil.
30. Saking ahus cangkem ping kalih grana. ngawinang bakag kang aksi. bunter melodlod dumilah. prerahi kadi katepak. acreng kapecuk ring alis. mrenget galak. bawose jroning ati.
31. "ih cai nah ne jani lasyayang pisan. laluang jani idep cai. cai Prabhu Ari Dharma. punggung caine kaliwat. drohaka to cai.twara ja nawang. to cai ring guru putri .
32. Putran guru cai nagih marikosha. tong nawang sasana cai. twara nawang pajagatan, tan manut sasanan Nata, tingkah leteh papa weci. durlaksana". keto bawose ring ati.
33. Tumuli Ida ne mangkin mamarga rawuh ring bancingah nuli. Ida masalin rupa. jati lwir Brahmana, misadya mangdan diglis. nyujatiyang, mangkin wawu ngraseng ati.
34. Ring pakahyun luya kadi ring pangipian, punika keni gugonin. tan pasakni tan kacingak, wantah kahuningin. ngaraga. nuli Ida mangararis. mangkin mamarga. ngalih singse mamintonin.
100
