Sri Narapati, Sri Aji Dhanna, pinuji ing wong sabumi.
9. Yen sawangang luya sahang pangasepan, ring pasepan sampun basmi, paripurna tan pacacad, dadi mijil wawangian, ambunyane sumar mrik, nudut manah, para panjake sinami.
10. Parajanane luya kadi kasabehan, antuk pasuecan Nrepati, luya tejan Sang Hyang Surya, Nyundarin makrana galang, idep ing sabala - argi, kalancahan, antuk kadharman Nrepati.
11. Sakancaning pasih gunung kasusupan tatan mari sida mukti, amukti punang. kalanguan, benjang semeng kacarita, makahyunan, newasraya ring udyani.
12. Maring taman malawa Parwata suniya, tan sah nggawa panah mingid, wantah nglanglang ulangunan, nuhut tepin ing udyana, sambeh nglubkub mambu mrik, panedeng sekar, ring taman lwir mendakin.
13. Luya ipun gumanti ngaturang gandanya, bakti nyembah ring Nrepati, mangaturang kulangunan, pakahyun Sang Naranata. puma lila luya kadi,siniratan, amretane mautami.
14. Sang Prabu nuwut munduk pagunungan, ngamunggahang ne mamargi, praya nyujur tatamanan, telaga luir danu linggah, klebutanya muncrat becik dayun pisan, mahegolan tempuh angin.
15. Tur makenyah kasunaran de Hyang Surya, sinah ring toyane ening, tan kocapan. jag kacingak, Sang Putri Nagini kaniya, ikuh sililglut kaksi, makaronan, saling jujuh saling kilit.
16. Maring taru tangi nyilib Ida nyerah, nyingidang mapulang asih, salulut Ida iriku, lawan ule-deles ika, mandeg Sang Prabhu ring margi, wawu nyingak, antuk tan patut pamargi.
98
