mitang inyai wayan, titiang tong mangelong munyi, Raden arya nyaurin, beli boya panjang atur, kangge wantah i dewa. beli manunas mapamit, raris budal, mantukeng jero karyan.
23. Sarauhe di jero pisan, sira Pinatih kapanggih, sira arya ngucap alon, aduh nyai dene jani, nyai Wayan payasin, ne nyanan pacang matemu, pramiswari ngandika, ne bau san tekaning beli, dening ida Raden Mantri suba teka.
24. Sukane kalintang, Ken Pinatih mamiragi, laut ngorahin pianak, idepang sih kuda gusti, munyin memene manik,jalan matetelah malu, nyai pacang katemuang, ring ida Rahaden Mantri, nene nyanan tan mangalih dina lenan.
25. Ni Limbur masaur banggras, mangudag sig parag janig, ku- tunggalig awag panjag, tong dagdi nene manig-manig, nag- sabag sog i bibig, matemuag tegeg bilig agug, enyeg bani mamindag, panyeroane sami gati, nguligang ambuh, kakerik lisah cumadang.
26. Laut ia masisig dadua, mambuh boke telung katih, ngela- murudin jadma roras, usan ia mandus tumuli, baborehe cumawis, ada reke pitung kau, kunyit pamer lan bata, liu pada mangusuhin, pada enyeh, panyeroane mangonotang.
27. Basange tulen mamodag, magaet-gaet matabih, pahane beg-beg tur kahkah, tekaning betek batis, gedene tani gigis, tulen tuah kadi patung, bangkiange tulen tabla, nyonyone meruk tur lambih, baong sigeg pipi cemil bibih suab.
28. Gigine gingsul tur langah, engkah bengu bone mangsit, alis liglig mata barak, tur kubil ngeresin ati, cunguh gede mabeng- kil, masawang cunguh nyambu, jarijine manyubatah, lengene gede mabungkil, kuku kakul, pajalane magroyohan.
29. Usane nambuh mapayas, makamben gomblang matapih, reke baan ragi loyo, masabuk polenge jani, gonjere beken lewih, ragi balune kawuwus, masangkuub ia samar, benang tengahe kapuji, pagalagah, kocap mahanteng gebogan.
30. Masubeng ia papah gedang, mabunga den liligundi, matranggana bungan ratna, selagin bungan selegui, pusunge sada
95
