susuri, asin masekar,bungan tunjunge barak.
14. Maurap-urap gagandan, ebone miik sumirip, maali-ali mas mulia, masoca ratna di luih, warnane lintang apekik, tuan Galuh gawok ring kayun, manyungklit kerise kuna, sabdane mangasi-asih, susuhunan, kari idewa mas mirah.
15. Titiang mamarek ka pura, ring ida i guru aji, kalih ring ida ibiang, raden dewi semu kenying, saha wacana manis, inggih margi beli bagus, raden mangaras, managih sepah ring lati , asung ganten, tuan mantri raris mamargi.
16. Parekan makta kampek emas, tan kacarita ring margi, rauh ring jero kadaton, mendeking rama muang bibi, cacingake nrepati, yan okane jani rauh, kalih sri prameswarya, sareng mamekul tuan Mantri, sambil nangis, sri pramiswarya kantaka
17. Milet manangis rahadian, sang prabu ngandika aris, wacanane megat-megat, kenken sih kerana i gusti, luase tan pajati, pang subanen pati, kepug, panjak cai ne luas, onyangan pada mangalih, sabilang desa, masih tuara kapendak.
18. Rahaden saur anembah, ica ugi guru aji, ageng sampura ring titiang, kocap saining puri, geger sating orahin, rahaden mantri wus rauh, ranten aji madewya, sami mamikul tuan mantri, pada nangis, kadeana pada teka.
19. Matambun ia di bancingah, sarauhe sami titib, patih tumenggung lan demang, kanuruan arya sami, kalawan adi patih, raris kasengan sampun, sama ngararis ka pura, sarauhe pada ngeling, ngebut suka, i patih alon angucap.
20. Aduh dewa ratun titiang, tan mangerasa yan kapanggih, kalawan cokor idewa, dening telas mangulati, ring alas lan ring ukir, luih di sagara agung, sami sampun waraha, masih tan wenten manggihin, nene mangkin, rasa kadi dipangipian .
21. Titiang pedek ring idewa, sri pramiswari nabda aris, kaka patih tuah ne nyanan, nira manaur punagi, punagine ne nguni, yan teka i cai bagus, tan mangalih dewasa, apang raris parajani, ia tuah majangkut, ring nyai wayahan.
22. Beli arya meriki budal, titiang tuah durus ne mangkin, ma-
94
