Kaca:GEGURITAN MEGANTAKA.pdf/84

Saking Wikisource
Kaca puniki kavalidasi

amet saking aris.

68. Raris mijil raja juita, sareng kalih di undage malinggih Raden Megantaka Gupuh nyagjagin saha sabda. duh mas mirah dija asih titiang antuk, mamade warnane esak, ayune raspati ngarawit.

69. Tulen dadari Supraba, lan Lotama ayune nudut ati, duh jiwan titiange ratu, nunas dewa emban, eman pisan warnane ayu kalangkung, kaselag parekan teka, ngaturang joline prapti.

70. Raden dewi luir patma manyingakin joli emase wus prapti, lempor rasa tan pabayu, lali ring pak ayunan, sampun reke kaunggahang ring pamikul, egar manahei rangda, inggih ti- tiang tuah sairing .

71. Mantuk Raden Megantaka, raris mijil munggweng jarane gelis, I Sentul bareng mapikul, kalawan raja juita, tan kocapan lampahe reka tuan Galuh rauh sampun di nagara, manuju ka taman sari.

72. Pasaren sampun cumadang, kasur sari langse permas wilis papedeke susun pitu, cacanden ulap-ulap, gagerantangan, peti kotake maturut, genep sopacara nira, sampun temurun tuan dewi.

73. Saruhe ring pamereman, raris sungkan buka tuduhing widi ragane ngebus makukus, kajantaka busan-busan, Raden Megantaka jejehe kalangkung, mangeraosang pacang rusak, I Rasadria nabda aris.

74. Aduh ratu gustin titiang, yan kapatut becik ugi budalin dening kagiate kalangkung, dening kaparamangkeang, benjang besuk tan lian ring cokor iratu, dening wantah jatu krama, sapa sira nerucang malih.

75. Kawulane sawur paksya, inggih patut nyandang wantah budalin, mangde mategtegan dumun, mintuhu raja putra, raris mijil ngawonin rahaden Galuh, mangeraris ka jero pisan, tan kacarita iriki.


86