59. Adeg dane gede ganggas, badeng kotot ragane luir minang si, wok jenggot kumise atub, paninggalan barak, sada mundul dada gigire mabulu , ungasan manyambu rakta, rambute ginceng malilit.
60. Mapikat tuara mabaan, kadung adoh pamargina tuan mantri 'Megantaka kang jujuluk, putrane sri narendra, mung punika rabine ures tigang atus, sacita karep rahadian, dening rama lawan bibi.
61. Wus kalih dina ring alas, kadung sengit tuara polih kalikis, kalunta-lunta lumaku rauh ring padukuhan, kacarita raden Galuh wus manjus, mijil saking jeroning taman, tan pegat sareng kakalih.
62. Kagiat kalihe tumingal, dening akeh anake kakung kaaksi , Raden Megantaka nulu, awas pisan tumingal, raden dewi mamargi tan sah tumungkul, sarauhe di jumahan, kapasarene mangararis.
63. Kocap Raden Megantaka, tan kantun raris ida manut buri, i rangda reke sugumuh mendak matur manyapa, duh sabage cokor iratu bu rauh, mangeraris ratu munggahan, di sake neme malinggih.
64. Raden Megantaka nabda, nira bibi tuah sadia ne mariki, nyen bibi ne iwau, ne uli di kayehan, dane rangda sada ajer matur alus, punika pianak titiang polih manuduk ri nguni.
65. Punika ne di pungkuran, pianak tulen wantah punika ugi, raden Megantaka semu guyu, bibi to maka dadua nira ngidih pacang waumah satuuk, maka arda nareswara, kalih mangereh di jero puri.
66. Tan mangalih dina lenan, tuah ne jani nira mamakta mulih, nira suba nunden mantuk, mangambil joli emas, kema aturin i ayu dini malungguh, ni rangda ngaturin enggal, gusti ayu meriki mijil.
67. Tan pasaur raden dewya, mung manangis keken sih baan jani, baya gantine tuah lampus, yan parikedeh tong nyak tuara buung awake jani maejuk, nah suba nyai tuutang, nanging
85
