50. Rahaden dewi ngandika, inggihnya imbok wantah wong kase- si, majalan mamurang laku, satiba-tiba paran, suka mati sauripe nandang sungsut, tuara nawang meme bapa, anging tuturan kapanggih.
51. I guru manyeneng nata, di Nusambara reke nagari, ni Rasa- dria umatur, duh dewa susuhunan, yen sapunika nunas idewa mantuk, iriki ring jumah titiang, sareng nemu ala becik.
52. Rahaden dewi ngandika, inggih margi yen nyai wentah sudi, sareng mantuk ka taman santun, sarauhe di jumah, rangda Kasian, epot kapaon mangelaut, manunden ngalebengang daar, gupuh rencange kakalih.
53. Usan masagi kabakta, ka saka nene irika malinggih, sareng tatige menyekul, i Sentul masewosan, mung daarang be tutu siap kukumbung, taluh dadar lawar nyawan, pakune mabasa manis.
54. Wus sami usan madaar, sareng kalih pada ia nginang sirih, sambil mangeraos matimpuh, mangerumayang lalawasan sampun peteng watara wus tengah dalu, raris munggah ka paturuan, pasarene mapulilit.
55. Ningi tuan Galuh tan kena nidra, tan sah rakane manuksana ring ati, rasa nya buka magantung, tan sah sumelaping tingal I Rasadria masabda munyine alus, sapunapi jua i dewa, doning tan sirep aguling.
56. Rahaden Galuh ngandika, ada nyaman mbok wantah asiki, kalebu di tengah laut nging dereng makantenan, pati urip danene i beli bagus mbok bareng karusakan, karaning tekane mai.
57. Anuli tatas rahina, sareng kalih matangi raris mijil, mangeraris ka taman santun, kalih sareng siram, usan masiram karo mangalap santun, saking gelising carita wus lami idairiki.
58. Wenten sampun kalih bulan nengakena ida rahaden dewi, mantring Melaka kawuwus, sedek ida mapikat, mairingan ada reka palakutus, tulen tuah ratu nirwanda, warnane ngeresang ati.
84
