macebur tuan Mantri, saking baita. lan kaulane sami .
12. Pacabur-bur bandega lan juragan . parekane tan kari sami kagawokan . raden Mantri ngandika. ih wang apa nyai dini, tur ayu dahat. tan pasaur tuan dewi .
13. I Panginte raris ipun midartayang. inggih puniki gusti. okan ida sang nata. saking Nusambara. duaning magenah iriki. idua kakutang. karawos ngaletehin gumi.
14. Dening mijile buncing reke rahadian, tan pido rahaden Mantri, aduh atma jiwa, rasa kadi pangipian, titiang manggihin imanik . ingusap-usap. gigir lan parerai.
15. Kagantian ni Nginte ngabin tuan dewya. de nira raden Mantri, ingarisan sabda, duh ratu sasuhunan, kalingane ica widi, manggihin titiang. ring cokor i mas manik.
16. Duh sampunang ugi i ratu nangsaya, titiang putran nrepati. ring Ambara madia, duaning nungkap baita, wantah pituduhing widi , malalancaran anyud rauh mariki.
17 . Raden dewi tumungkul raris ngandika , inggih yan wantah mangkin, titiang nunas ica, yan beli durus ica, manuduk jadma kakyasih, diastu manggih alancik.
18. Titiang telas mengaturang jiwa raga, ngawula kapi tuwi, bas to nyandang pisan, nongos dini mapasah, sukayan ngemasin mati, yan beli ica, titiang tan neda nasi.
19. Mung wohwohan don kayu lan bungan kahang, tunas titiang sai-sai, bas tan wenten pisan , anak olas titiang, tuan Mantri kaya anangis , mamiragiang, yeh tingale deres mijil.
20. Duh sampunang ugi dewa mamanjangang, tingkahe dewa runtik kangen san ko titiang, miragi pangandika, ne mangkin ratu mas manik, sareng mastapa, manemu ala becik.
21. Kecapan juru batu nuunang daar, cecepane tan kari , lawan sasanganan, raris ida ngajengang, tuan Mantri lan raden dewi , lawan pawongan sami pada mamukti .
22. I Juragan bundega Jawan parekan, sami usan mamukti, sarni nginang sedah, raden dewi kawama pangandika di ati, merasa
80
