Kaca:GEGURITAN MEGANTAKA.pdf/71

Saking Wikisource
Kaca puniki kavalidasi

GEGURITAN MEGANTAKA

AWIGHNAM ASTU I. PUH SINOM

1. Ada kidung gaguritan, isenge kalaning wengi, ngapus kidung pati sambat, salah pasang tuma lewih, anggon nyalimurang ati, ibuk atine kadurus, mangarasa awak baya, nejani nahen kairid, yan kapongor, salah manerek di jumah.

2. Awak tiwas paksa ada, yan mangalih tani me pih, yan lemah nggaweninya, kapisaga gending-gending, pianak somah ngu- welin, mapi ya ngatani tahu, ngalih ngandalang pongah, tuara ngitung munyi dekil meng subanan, mangulahang betak basang.

3. Ne jani mara mabianan, nanas ica ring Hyang Widi, mamula jagung lan sabrang, ubi kaladi akikit, anggon pangalilan ati, bilihnya bakat pupu, adayan pabrayanang, manungkulang anak cerik, katup tupang, matembang srinata raras.

4. Ada tuturan ring kuna, satwan anake ring jani, yan wyakti kalawan tuara, sampunang pisan nguyonin, tuturan saking keling, piragin titiang ne sampun, sedek titiang ring Ampe- nan, anging tuturan wong Bugis, katuptupang, jani unggahang ring gita.

5. Sang ratu di Nusambara, agunge anyakrawati, mabala tan pahinganan, maduwe putra kakalih, anging mijile buncing, ne duhuran istri ayu, ne alitan punika, lanang warnane apekik, sampun metu, abulan lan limang dina.

6. Raris ujan lemeng lemah, angin utarane titir, ketug linuh saha kedap, twara ya endang awai, kepwan jagate sami, kebo sampine pagemuk, jaran gajah lan onto, siap darane pakisik, sagumatap, gumitipe pada gewar.

7. Mangerasanin pocang baya, lan isining alas sedih, inggilan

73