Kaca:GEGURITAN MEGANTAKA.pdf/120

Saking Wikisource
Kaca puniki kavalidasi

nika, nunas munggah ka balene, tuan mantri nabda arum,
inggih wenten datengan malih, marupa anak menak, ngajak
istri ayu, punika saktine lintang, ring payudan yan tan
dane manulungin, tan wangde titiang pejah.

39. Mangkin dane di jabaning kori, masandekan tuan dewi
ngandika, batang titiang boya sejen, dane i adi bagus, titiang
mapamit ngawas mijil, inggih dewa rarisang, tuan Galuh
malayu, rauh di jaba kacingak, dewi Sekar Kancana ature
aris, dewa bagus punika.

40. Rakan idewane ida mijil, raden dewi tuan mantri manyag-
jag, nyongkok manyumbalı rakane, raris mangelut suku,
raden dewi ida manangis, manyungkanang wadana, ring
pangkon tuan Galuh, rai manangis alara, dewi Sekar Kan-
cana ature aris, sampun bas kadurusan.

41. Ida nangis dening sampun Widi, mangawenang karana dados
pisan, kasampura ban widine, mangkin malih matemu, ka-
panggihe sajeroning pati, utan dewi ngandika, aduh adi
bagus, titiang sampun lan madaya, yan i adi malih meling
pacang mangalih, dening wus lami pisan.

42. Raden mantri tan sah nangis, megat-megat ature ring raka,
inggih duaning kasuene, titiang sering mahatur, ring i guru<b
r>
lawan biang sori, mapamit tan kicenan, kase ringan ipun,
titiang mangelaluang awak, lunga nyilib sami ko tan wenten
uning, lungane papatpatan.

43. Punika ta sapasira adi, titiang dereng tatas ring pangelungguh-
an, tuan mantri saur sembahe, anepes tangan mahatur, inggih
raden punika malih, putri sakeng Jagalkap, nagarane dangu,
putrine dewi Asmaya, kang katedune dening dewi Kuresi,
ratuning Jim Selam.

44. Rahaden dewi sabdane aris, duh kalingane idcwa putran i
dewi Kuresi reke, titiang lintang tan weruh, sampun ugi
da nyalah kapti, samiang ugi dewa, masemeton dusun,
malih nista kajantaka, dewi Sekar Kancana manyaurin aris,
dewa sampunang panjang.

45. Dening wantah kacatring Widi, sing tingkahang dadi anggon

122