tuan, apang eda barah tangane, I Sentul mangamukmuk, bakal apa sampura gelis, dong pulihang ne suba, kapo titiang lacur, tuara titiang mamicundang, bakal apa cundange ya hurip, akeh makada bondan.
32. Powatane tuah manyapuh hati, anak jani suba pada tawang, nah suba sok ja awake, apang kaselsel besuk, lawut mara manerastas tali, ngeleb sang Megantaka, ngaturang mintuhu, manyumbah ping ro ping tiga, prapunggawa rauh manga- turang bakli, tekaning bala tantra.
33. Kaselang tarunane ia prapti, mangaturang yan ida sang nata, lunga sagrahan kalase, watara pitung dalu, langkung kagiat ida tuan mantri, mahutusan punggawa, lawan mantri agung, wenten mairingan satak, Ki Tumenggung punika nene ma- margi, saha nunggang turangga.
34. Sampun adoh reke lumaris, kawuwusan Raden Megantaka. maputusan mantuk age. Baretbuta kautus, ngambil berana lawan mas pipis, lampahe gagelisan, henenhakena puniku, rahadian kalih wus budal, ka jero taman sang Megantaka mangeraris, ki patih mangibukang.
35. Sarauhe jeroning taman sari, raden mantri wekasan tuming- gal, ningalin tuan Galuh reke, sedek ida malungguh, nganggit sekar batan kamoning, satingale rahadian, rasa tan pabayu, kagiat tumuli kantaka, raden mantri Ambarapati, tan meling. gupuh raja juita.
36. Manyagjagin nyundang sambil nangis, dong ngalilir cingak beli titiang, manguda sih buka kene, titiang sampun rahayu, malih urip beli sapuniki, punapi sih pwaran, titiange beli bagus, yan beli ngawon titiang, sapa sira anake sudi ngiwasin, jadma papa tur nista.
7. Yeh tingale nyiram sang kapati, tui kadi tirta amerta akecap, raden mantri samelinge, ida mangelut-ngelut, madia raris ngandika manis, duh dewa susuhunan, titiang dewa ayu, kadi jawane pah laksa, ton madaya manike manyeneng malih, sapunapi duaning gesang.
38. Raden dewi sahure semu tangis, pacang napi rawosang pu-
121
