kuskusan, sikep salanang-lange, mangelawan tumbak tulup, kapo kai nyalahe sai, mangelawaning wong lua, sang dewi mangerungu, mangaturin raka medal, ring payudan raden Mastilar nagari, mijil saha sanjata.
25. Sang Megantaka awas ningalin, ring rahadyan gumuyu asenggak, sambil manepak pupune, singgangane buin rauh, kaling jani mamupu padi, bengung dahatan, sama iba taluh, langgap mangapugin paras, duh dija ha lakun mamanjang urip, idup sama lan pejah.
26. Sinengguhang I Ambarapati, rahaden Mas Tilar nagara, kenying alon wacanane, apa ja liunang wuwus, dening kai bas waneh urip, nging yan ica batara, masa iba luput, dening kasakten ba tuah, kaduk momo tan weruh ring bala becik, mung murka ben gelahang.
27. Raden Megantaka molah tangkis, ngagem panah baan naga pasa, rahaden ngerihinin age, kapanah sampun bungkus, Megantaka nandang matali, ikang sekar melatia, nadi tali kukuh, dadi kamben dadyania, sabuk kuse labuh saking luhur ati, aramae surak kang bala.
28. Balane sami awas ningalin, yan gustinne kasoran mayuda, I Tatit angedap age, mawangsit ngonkon nungkul, manyumsangang sabda ta sami, I Siung Caling enggal, manyangjagin gupuh, Sang Megantaka kabakta, ring tuan Mantri Raden Ambarapati, lintang suka rahadian.
29. Mangandika Rahaden Ambarapati, Megantaka lalanang ring jagat, ne jani apa budine, mabudi bakal hidup, lewih mati sida awai, Megantaka angucap, inggih dewa bagus titiang nunas geng ampura, ica ugi cokor idewa ring dasih, titiang tan purun muah.
30. Pacang piwal muah ngelong bakti, ring idewa yan sih titiang congah, rauh kaputu buyute, surud mandadi ratu, yan manjadma ka pada gumi, mandadi patik wenang, dados namu-namu, dados lintah ategal, dadi uled dados cacing lan julati, inggih yan sapunika.
31. Titiang suka sampura ring beli, Sentul enggal elusin, tuah
120
