pitung keti mangiring.
59. I Dewi Sekarkancana, sampun wikan sada gelis tuan dewi, kaharep reke manutug, ngalih rakane mayuda, sampun rauh tuan dewi ngandika arum, idewa kalih mararyan, titiang ne mangkin majurit.
60. Punika I Megantaka, napi ipun, ngadu kasaktian jurit, tutut tuan Mantri kapungkur, ban kundur rahadian, Raden Megan- taka reke ngaji sampun, naga mangebekin tegal, tuan dewi mesem ningalin.
61. Nagane sami pasebak, raja dewi raris mijilang api, apine endih kumutug, reke tan pendah arga, naga telas geseng dening geni sampun, dadi Raden Megantaka, nyipta dadi manuk beri.
62. Mekebur ngungsi gagana, raja dewi dadi garuda putih, cucuk ipun wesi agung, raris masiat ring ambara, manyanderin kasanderin saleng cucuk, meruket pada tan mundura, dira pada ndatan jerih.
63. Sami kang bala kagawok, maningalin kasaktene kakalih, mauder-uderan makebur, maperang tan bisenan, pada seleng tampig marenggut maring luhur, lintang pada prawira, si- nalinan dangdang gendis.
X. PUH DANDANG GENDIS
1. Tan kacarita tingkahing jurit, di gagana kawarnaha muah, atmane mulia kocape, kari di awun-awun, lawan sang dewatane sami, widadari widyadara, atmane tuan Galuh, tan kayun tulak ka swargan, lintang ida sang atma manahen prihatin, anturu lawan tadah.
2. Watek dewatane mangaturin, ida tulak, mantuk ka swargan, kedehang tan kayun reke, mantuk i dewa dumun, depang titiang kari iriki, jawat padedewekan, reh kangen titiang ratu, mangenotang titang nyama, ninggal desa, titiang sampun sapuniki, malih ipun matinggal.
3. Wentan mangaturang sada gelis, ring batara yen atmane
116
