50. Tan kocapan dalu rahina, abang wetan sama madadah jurit,
Sang Megantaka kawuwus, mangandika ning bala, kola
mendak, ngadu kasaktine malu, baret buta jani mara, kaharep
jani majurit.
51. Lan I Meganjalantara, I Ujan ngeritis Tatit angedap mijil,
lawan masiat mangamuk, da maperang bibisenan, nekasab-
dian, sami masaur manuk, mapamit pada manyumbah, sareng
kaharep tumuli.
52. Saha bala saranteban, umwang bedil surake mawanti-wanti,
I Siung Caling mamagut, lawan I Sentul mara, saba bala
tandange luir singa marung, laintang rame ning yuda, bedile
wus tan paganti.
53. Madedes mangadu tumbak lawan tulup lwir udan kang jampa-
ring, panah suligine mencur, len ne ngadu kadutan, seleng
gorok, len ada saling asuduk, ane teguh lung sapisan, lilih
wong Malaka jurit.
54. I Baret buta kalawan, Meganjalantara I Ujanngeritis, I Tatit
ngedap milu, kapalayu ring bala, kaget rauh, bala Malaka
luir kukus, maretin Wiramanggala, nene kautus ringuni.
55. Kalawan Wiralanglangan, Wirakalana lan I Wiragati, tan
pararapan mangamuk, lan ratu Sahambara, kandeg bala
Ambaramadya mamagut, malih rame ikang yuda, buka gubar
kang pretiwi.
56. Dening keteb ikang bala, mara mundur surak rame mwang
bedil, 1 Siung Caling I Sentul, mangseh mangamuk lan bala,
akeh pejah bangkene masusun-susun, kadi sagara ikang rah,
tuan Mantri kalih semu gipih.
57. Kaharep kalawan bala, teruna wargine ne nyambut pangawin,
cacakane ulungatus, sami tan nolih untat, raden kalih panga-
muke tan pangituang, tan bina buta mangsa, akeh para ratu
mati.
58. Ratu Jas kalawan Tatar, ratu Tebih lan ratu Besah mati,
mung kari punggawan ipun, reke kalawan bala, Raden Megan-
taka kabrahmantian ndulu, mangseh kaharep lan bala, wong
115
