Kaca:GEGURITAN MEGANTAKA.pdf/103

Saking Wikisource
Kaca puniki kavalidasi

23. Sopacara sampun genep tan ucapan, kawarna pararai, titib
ditengah natar, sami mapamit nyembah, sukasira raden Man- tri, raris mamarga, sampun rauh ring jawi.

24. Pangareping sikepe sampun majalan, makadi luir di tulis,
I Tititangedap, balane kalih laksa, warnane galak amanis
asin prawira, manunggang kuda putih.

25. Tur mapajeng tekaning watang petak, di pungkuran tumuli,
Meganjalantara, balane tigang laksa, polahe tan tresneng urip,
yan tiningalan, alep teka mantesin.

26 . Manunggang kuda barak mapayung rakta, tekaning tumbak
sami, barak pada dumilah, di pungkuran punika, I Ujan ne- gritis mamargi, manunggang kuda, selem sawang malengis.

27. Maciri payung selem tekaning watang, sami pada mengiring,
raris ingateran, Baretduta mamargi, warnane ngeresang ati
wok tubing dada, ules kadi minangsing.

28 . Manegakin gajah tur ya manca warna, mapayung belang kam- bing, muang sikeping bala, barumbun patuptupan, wong
linang laksa mangiring, untat punika, kocapan raden Mantri.

29. Mangelinggihin gajah tur mapayung kembar, keiringing bala
wargi, ne wateking yuda, rang atus maturangga, sampun
mangeliwat nagari, tan kacarita, lampahe raden Mantri.

30. Alas tegal kamarginin gempung adina, kadi aloking nguni,
alas dadi tegal, tegale dadi alas, wus tigang dina di margi,
gelising carita, rauh di tepi siring.

31. Ambara madya punika ne kasad yang, wong dusune tan kari,
malaib pabelesat, ada mangungsi umah, ada manyeburin
abing, sami adahap, dening satrune parapti.

32. Megantaka ngandika ring prapunggawa, pasurakang ne jani,
balane makejang, sami mahatur sembah, inggih sandikan
dewa aji, raris masurak, anganti lawan bedil.

33. Bedil surak rame tuara papegatan, rarud wong tepi siring
sami ninggal desa, pada mangungsi alas, ada ngook ada ngepil
ada nu jumah, manungging di punapi.

105