Kaca:Cokorde Darma (Don Quixotte Versi Bali).pdf/73

Saking Wikisource
Kaca puniki kavalidasi

I Gusti Putu Antara

Yadiapin asapunika. ipun pacang sida ngubah rerasan antuk baan gegodan."

"Yén titiang boya ksatria, sinah titiang tan mabudian kéngin ngwales swécan I Déwané antuk laksana sané tan becik . Réh mula sakancan wong laki, yadiapin ida wong menak jat ipun wong sengguhu sami malakar antuk uat manusa. Ipun sami sané kantun madue rah miwah daging, dadosné pacang polih mamanah iwang. Makawinan sakadi asapunika malarapan antuk bes kengin kalilit baan ngulurin indria."

Duk punika I Sadara medem ngerok geris-geris. Ngipi dadi tuan besar, sampun ngelah roban duang tali. Solahné macegik macicing, nani yén robanné tuara tinut. Nagih ngeres tur mogolang, ngengap sambilang majengking. Etis
dayuh manah ipun ring pangipian.

Kocap ipun, Mén Kantrungan mésbés lengenné tur ngampigang cekelan tangan Sri Sudarsana. Tong dadi idihin pelih. Kiad-kiud tur muntag-mantig. Kocapan, I Sinarkalung tatas ipun miragiang bebawes punika sami, wiréh ipun drika tampek mangantosang. Pedih ipuné tan pira. Tumuwuh sesikane sajeroning atinipun. Bikulan lengenne kausap makarya gemelan tur kapiling kageretang ka prarahin idané kanti ginting. Suba semengan laut kacolékang ping telu ka prarahin Sri Jayati tur ida lantas magelebug ka pameremanné nyugagag. Saking ungasan ida medal rah nganti lamben idané hek maisi getih.

64