I Gusti Putu Antara
Rasa bagia muah kendel idané wantah lungané ngamulihang, nanging tan bagia awinan mangkin mapas pajalan pangalu undis. Saking doh wus kadulu sampun kacingak olih Sang Sudarsana para pangaluné marėrod majalan ajaka liu.
Mangkin kasengguh punika olih Ksatria Umbarané kedeh nagih nambakin margi. Pangaluné ané di aap nandan jaran, ban kebusné tan sipi ipun nganggén pajeng uwug ané maan nuduk di pajalanan. Ento kacingak olih Ida Sri Wiratanu lantas ida ngandégang tunggangan idané, I Cograh di tengah marginé tur majengking sambilanga masesambatan galak.
"Heiiii! Nira ksatria luwih né dini, tawang! Cai wong untang-anting ngluntang-lantung majalan pada makejang! Jani yan tuara nyak masiat tekén I Sudarsana, nah jani mariangkenin Ida Déwi Supitangsu rumaksat kadi paling jegéga di jagaté, putri saking negari Sérang. Ento gélan Ksatria Ngumbara sang pinaka bungan tanah buah ati. Ento né patut kasungsung olih sakancan luh séksék kerék, né kapanggihin utawi karuruhin di guminé dini. Ayuné tan wénten mamadain, pelot nganti mati ko masih tusing ada nandingin yén bandingang kalejehan prerainné. Cendekné eda suba boyanina."
I Pangalu ajaka makejang tangkejut pesan madingehang. Ipun lantas medasin solahné Sri Wiratanu, jalma buduh apa jalma babenehan? Kapineh guminé suba
buduh, méh-méhan ulian lekad makedeng, kadi buduh
26
