dasa dadua majalan.
207. Len ada majalan, kagraya maturan mangkin, paduwur miwah rayunan, ida paranda ngrayunan, sucin tukang miwah sangging, sapisan padha katur, manyuwun manatad kisa, ulam babakaran kapir, ajak pitu, nglawut nunas siwa krana.
208. Pakideh suba majalan, braya gusti padhaturin, sang tri wangsa ngalinggihang, padha mangelingin linggih, satrya brahmana wiakti, tan mamilihin lungguh, yusa lingsir ring ulonan, wantah kadi ucaping aji, titah sadulur, paras paros sampana ya.
209. Tamiu saking jaba kuta, wusan ngajengang sami, mangkin nyama braya banjar, padha kaaturan linggih, para pangancang ngayahin, mangeterang samungkus, ada masuk muli-milihan, mamreksa nasine kari, ring pamuput, molas bale tan malinggihang.
210. Patbek ring sang luas maturan, miwah ring pakurenan sami, anggen malangan pangancang, pauwopanne sai, para jatha kaejotin, miwah sane balu unggu, rawing ajengan pragina, skan tupeng arja malih, wus macukuh, sami padha mau wongan.
211. Dawuh pitu suba majalan, motore luas ngajangin, preginan tupeng miwah arja, sampun rawuh makasami, padhanda mangkin pendakin, glis sampun ida rawuh, Ceker Cipak matur sembah, durusang ratu malinggih, sang sinuhun, di piasane kalinggihang.
212. Pangayahe ngaturang canang, asem-asemane malih, pedhanda iccha wacana, dong dhabdabang apang gati, saupukarana jani, i dayu matur sampun, durusang i ratu munggah, mapuja ratu ne mangkin, sampun puput, pangunpun pabuncingan.
213. Tendas celenge nyunganggal, nasi muncuk kukusan malih, mtanceb klakat sudda mala, macelek linting kakalih, sami sampun padha ngendih, jangannane duang ngiu, lebeng miwah ne matah, sampun padha mapalih, saha dulun, saeteh-eteh mrerunya.
87
