prapti, raris padha maceleban.
179. Sampun wusan mandus mangkin, madabdaban, masalud makejang, mauwotan ring timapalne, Ni Saroja tuara nyuwun, apan suba katimbalin, majalan marawosan, ada nyadia mlajah nunun, ada nagih muruk ngarenda, mlajah med bed, endek pang makuta mesir, tunun cagcag makrampuangan.
180. Gebeh ombang ebek misi, sinamiyan, katah mangayehang, wireh paek gagawene, sild sanja raya-ruyu, padha nundenang manyait, muani-muani matektekan, prayannya ngawe warung, ring natah taring gambuhan, ya matumpang, mrenggan kertthas barak putih, magrenteng ambune adas.
181. Ngundang-undang braya sami, kaktogang, sami babanjaran, wilah wenten domas slae, sajawining agung-agung, ida sang tri wangsa malih, miwah saking jro kuta, bilih wenten siu satus, len wilangan aturan, pajeg prangkat, punika kawilah sami, jitlulas tali samas.
182. Punika ulame ring kapin, kawilangang, durung saselaman, tigang dasa numbas bebek, malih numbas ulam penyu, tamiu katah tan kneng kapin, penyu bebeke mawilah, ptang tali tlung atus, punika sami kuwubang, kapin slam, marupa pitulas tali, pitung atus to tanggunnya.
183. Buin balane kapayasinm ptatahan, ider-ider maprada, ulon karawuhing langse, masanding ring galeng tumpuk, grenteng emas, pakunining, mapaplokan sutra, warnane suba maturut, tengahnyane kaca gambar, manguranyah, bungah kuning makasami, luwir paturuan gandarwa.
184. Tuara ngitung telah daging, pauwopan, suba padha bisa, pacang mangatur gawene, tong nganti-ngantiyang pituduh, sriak-sriak pragat aglis, juru kopi juru canang, sami sampun padha rungu, padha-padha masorohan, istri lanang, sami sampun magilih, mangda sampun maadukan.
185. Ngmaniang gawe manabdabin, papayasan, ngroncana psehan, pakebahan matatahe, ngitungang pacang pisaluk, sapradeg kang sadiri, juru pahias saslikan, malem suba matunu,
83
